بس عادى يعنى .......!!!!

كلمه جميعنا نقولها تعبيرا غير مباشر عن سلبيتنا واستسلامنا للامر الواقع
"بس عادى يعنى "
يحصل مصيبه او كارثه ونقول بس عادى يعنى
يضيع حلمك وتقول بس عادى يعنى
يروح حبيبك او حبيبتك منك وتقول بس عادى
تدخل كليه غير اللى كنت بتحلم بيها وتقول بس عادى يعنى
تتخرج وتشتغل فى وظيفه بعيده تماما عن مجال دراستك وتقول بس عادى
تكون مثلا كنت بتمارس اى رياضه او هوايه وانت صغير وللاسباب ما بطلت هذه الرياضه
(احتمال مثلا يكون احد هذه الاسباب الثانويه العامه) وتقول بردو بس عادى

راضى بالامر الواقع ومستحمل وتقول بس عادى
انسان مستسلم وسلبى الى ابعد الحدود
هو احنا ليه وصل بينا الامر لكده بقينا نهرب من مواجهة الواقع بكلام وبس
ليس لنا اى رد فعل شعب عربى مستسلم وراضى بالامر الواقع ومهما كان هذا
الواقع فبردو هيرضى بيه ونعلق دايما الاسباب على البلد والناس والفرصه اللى دايما مسنينها تيجي لينا لحد
باب الشقه انت فكرت تعمل ايه لمستقبلك دايما قاعد مستنى اللى يساعدك وتعلق فشلك واستسلامك على الغير
والسبب الحقيقى هو انت وجبنك وخوفك واستسلامك
ويقول بس عادى يعنى

دايما كنا بنتكلم عن اننا فى بلد مش مديانا حقنا وابسط حقوقنا اللى ذكرتها فوق
طيب وفين حق البلد عليك
يعنى عايش فى بلد لا انت مديها حقها ولاعامل اللى عليك ولا عارف تاخد حقك منها ولاحتى تطالب بيه

فعلا احنا فى زمن العجب العجاب
زمن الاستسهال يعنى عشان انت مش عارف تاخد حقك ,,الناس كمان مش عارفه تاخد حقوقها
طيب هو انت كان ليك حق وماخدتوش وفكرت انك تطالب بيه؟؟
يمكن يكون المصريين بالذات من ابسط الشعوب الموجوده وبيرضى بقليله قوى
ودايما يقول بس عادى يعنى
يا جماعه بجد
لازم يكون فيه حاجات ماينفعشى تكون عادى ولا نكبر دماغنا ونعديها
ونقول عادى وايه يعنى بلاش الكلمه اللى كلها بتدل على اللامبالاه والاستسلام
لازم يكون ليك وقفه
اولا تدى بلدك والناس حقوقها وبعدين تطالب بحقك يمكن ساعتها
يحصل شئ من العدل والميزان بتظبط

وياريت نمسح من قاموس كلامنا كلمه "عادى"

واخيرا انك وحدك المذنب فى حق نفسك لانك ببساطه
مستسلم لشبح خيالك اسمه الظروف والرضى بالامر الواقع
وفى الحقيقه انت المتهم الرئيسى فى وضعك الحالى وليس غيرك

ملحوظه:كلامى موجه الى جيل شباب العرب جميعم وليس لبلد بعينها
وشكراااا

للآسف والله يا نومادس .. ده سبب كارثة العرب عموما

كلنا بلا استثناء بنتصرف بسلبية غير عادية ؟؟ وبقى كل شئ دلوقتى عاااادى

و ... عادى بقى

افعلا يانومادس
بس كنا هنعمل اية زيادة
عادى يعنى
ههههههههه