نـُكـت مـن مـصــر

ـ واحد بيقول لصاحبه مش الجوازة بتاعة البنت فشلت قاله ليه ؟
العريس عايز يضحك علينا.. في الأول قال أنا أجيب الشقة والعفش وكل حاجة تلزم
البيت، قلنا كويس وإحنا علينا إيه ؟ قال كل يوم تجيبولي العيش !

ـ مسئول مهم راح جنينة الحيوانات
بيقول للقرد أنا عايزك تعجن لي عجين الفلاحة القرد مش راضي يرد، قاله تاني برضه مش
راضي يرد.. صرخ المسئول: انت مابتردش ليه؟ قاله القرد أعجن إزاي هو أنت خليت فيها
دقيق!

ـ مذيعة تليفزيون قابلت شاباً في
الشارع وسألته تحب تشوف إيه؟ قالها أمي الله يرحمها، قالت لا دي صعبة، اطلب حاجة
تانية، فقال تجيبي لي عيش من المخبز.. قالت له تحب تشوف ماماتك امتي!

ـ اجتمع مجلس الوزراء لبحث كثرة
الحوادث بسبب حفرة كبيرة موجودة في الطريق.. قال وزير: يجب أن نقوم ببناء مستشفي
بجانب الحفرة، فعارضه آخر وقال: لا.. يجب ان تشتري سيارات إسعاف لنقل المصابين الي
المستشفي العام، وعارضهما ثالث: ولماذا نشتري سيارات إسعاف ونبني مستشفي جديدا وكل
هذه التكاليف نحن نردم هذه الحفرة.. ونحفر غيرها بجانب المستشفي العام الموجودة
أصلا!!

ـ واحدة بتقول لجارتها اسكتي مش
كنا حانموت من الجوع قالت لها ليه؟.. بعت زوجي يجيب عيش من الفرن مات في الطابور
قالت له وعملتي إيه؟ قالت أبداً بعت الواد وجاب لي من الفرن التاني!

ـ موظف كسب بغبغان هدية في
مسابقة.. تاني يوم سألوه عن الببغاء؟ قال عادي طعمه زي طعم الفراخ!

* تعريفات سياسية:

ـ الدستور: هو الشيء الوحيد اللي
كلما يتعدل.. البلد يتعوج اكتر!

ـ المواطنة: أن توطن نفسك علي انه
مفيش فايدة!

ـ مجلس الشعب: هو الهيئة التي
تساعد الحزب الوطني لكي يجلس علي قلب الشعب !

ـ التحديث: السياسات الحكومية
التي تجعل المواطن يمشي وهو يتحدث مع نفسه ( أهبل يعني ) !

ـ تداول السلطة: ان ينتقل طبق
السلطة من أيد لأيد!

ـ العصيان المدني: خروج المدنيين
لإعلان رفضهم لسياسات الحكومة فيضربهم الأمن المركزي بالعُصيان ( المكهربه ) . !

ـ إقرار الذمة المالية: تقديم
المسئول الحكومي إقرارا عند بداية شغل من منصبه يؤكد فيه أن ذمته انتقلت الي ذمة
الله تعالى والبقاء لله في الذمه !

ـ السواد الأعظم: هو السواد الذي
يشوفه معظم الشعب!

ـ حزب الأغلبية ( الوطني يعني ) :
الحزب الذي يذيقك الذل وتعيش تحت حكمه أغلب فترات حياتك ( بل كـُل حياتك ) . . !

ـ الإنجاز: مشروع تفتتحه الحكومة
ويضخمه إعلامها لحد الناس ما تجيب جاز!

يا بنى حرام عليك انت مش عارف انت بتقول ايه وعلى مين

انت مش خايف على نفسك وللا إيه
انا عن نفسى مش خايف عليك
على فكرة لو حد سألنى انت مين هاديهم عنوان بيتك على طول
وهاقولهم انه عدو الــــــ............
علشان انت ضد مصلحة الشعب
ههههههههههههههههههههههه
ومش هاقدر اكمل أكتر من كده لاحسن اجى معاك لما يقفشوك