كيفيه عمل سوفت وير للسوني اريكسن

في هذا الموضوع حيكون أن شاء الله
المرجع الرئيسي لكل عشاق ومحبي السوني إريكسون ، وهذا في ما يخص بعملية
تطوير السوفت وير لأجهزة السوني إريكسون الحديثة والي بالأمكان تحديثها
مباشرة عن موقع الشركة الرسمي ، وذلك لكثرة التساؤولات وأزدياد عشاق ومحبي السوني إريكسون .

نبذة عن السوفت وير :

قد
يتسائل البعض ماهو وهل أنا في حاجه أليه من أصلاً ؟ السوفت وير تقدر
تعتبره نظام التشغيل للجوال يعني زي الويندز بالنسبة للكمبيوتر ، وشئ
طبيعي جداً لما ينزل أي جهاز ومهما حاولت الشركة أظهار الجهاز بالشكل
الممتاز والمطلوب لابد وأن يكون هناك مشاكل أو أخطاء تؤثر في أداء الجهاز
والتطوير يكون لتلافي وحل المشكلات أو أضافة للحصول على أفضل وأحسن اداء ،
ومنها وعلى سبيل المثال : مشاكل في استقرار الجهاز من تعليق أو تهنيق
للجهاز أو ضعف في اداء البلوتوث أو قصر عمر البطارية بشكل سيئ أو أضافة
مزايا جديدة ترقى بأداء الجهاز للأفضل من تحسين جودة الكاميرا وأضافة
خصائص جديدة لم تكن موجودة أو التعرف على أنساق صوتيه جديدة يدعمها الجهاز
لم تكن من قبل مدعومة أو التعرف على المرسل بالبلوتوث - تختلف المزايا
والحسنات من جهاز لآخر ولاكن وبالطبع دائماً التطور يكون للأفضل وبقدر
المستطاع .

[center]ملحوظه

هذه العملية قد لايفضلها البعض لتخوفه من النتائج وما قد يحدث ، وعشان كده أنت
حتكون مسؤول عن جهازك لو حصله شئ أو لاسمح الله تعطل الجهاز ، هذا لتبرأة
الذمه عشان ماحديش يجيلي بكره ويقلي أنت بوزت جهازي . وأنا بأذن الله
كلامي حيكون من واقع تجربة لأني جربت وحدثت كل من :

K700i + S700i + K750i + W800i + P900i + P910i
والحمدلله لله كله كان تمام ولله
الحمد ، ومحصلشي أي مشكلة أو انخرب أي جهاز أثناء عملية التحديث ،
لأنه العملية سهلة ومتخوفشي طول منت متبع الخطوات بشكل السليم .[/size]

تنبيهات هامة جدا جدا جدا لتلافى اى خطأ فى عملية التحديث ..

1.لابد من توافر سرعة انترنت عالية مع ضمان عدم انقطاع الخط اثناء عملية
التحديث

2 - ممنوع منعا باتا تحريك الجهاز او فصله الا بعد انتهاء التحديث
تماما

3 - التأكد التام من ان الجهاز مشحون على الاخر ... لان عملية التحديث
بتسحب من الشحن وانتهاء شحن البطارية يعنى انقطاع عملية التحديث وبالتالى وقوع
السوفت وير

4 - لازم تعرف جهازك على الكمبيوتر وذلك من خلال الاسطوانة اللى
جاية معاه او عن طريق برنامج ال Pc Suite

وده حتلاقوه ف الروابط
دى

للأجهزة العاديةاو الجافا ... لأجهزة السمارت فون او UIQ

وطبعا لازم ف اجهزة السمارت
فون او UIQ اللى هى السمبيان اللى هى التاتش ( قلت كل المسميات عشان محدش يرجع يقول
انى مقلتش ) لازم ناخد نسخة BackUp لكل الاعدادات والارقام والرسايل عشان منرجعش
نقول التحديث مسح كل حاجة .. ف حناخد نسخة من كل اللى ف الجهاز - ماعدا الميمورى
كارد - ببرنامج البى سى سوت كالتالى .. والكلام ده لفئة ال P او لأجهزة السيمبيان
التاتش ال UIQ :-

1 - نفتح برنامج ال PcSuite وبعدين نختار BackUp Manager
.. زى الصورة دى

2 - حندوس على كلمة Backup اللى فوق ف الصورة دى

3 - نختار الحاجات اللى متعلم عليها ف الصورة دى بس

الجهاز حيعمل ريستارت لوحده محدش يقلق ده عشان المعلومات اللى
بتتنسخ .. وحيشتغل لوحده ويقولك ان عملية ال Backup تمت بنجاح

4 - ودى بقى
بعد التحديث مايخلص حنرجع لنفس الصورة دى بس بدال ماندوس Backup حندوس Restore عشان
نرجع المسجات والارقام لان الجهاز حيرجع كالجديد تماما بعد التحديث

هنا بقى اهم حاجه عمليه التحديث :

- متطلبات عملية التحديث

1 - مشغل الفلاش .. وده حتلاقوه ف الرابط ده فلاش
بلاير

2 - طبعا برنامج التحديث اخر نسخة ... وحتلاقوها هنـــــــــا

واليكم طريقة التحديث

بعد التعريفات
الخاصة بالجهاز والبى سى سوت والكلام ده كله

حنستب برنامج التحديث وطريقة
تسطيبه عادية جدا جدا زى اى برنامج عادى

بعد مايخلص السيت اب حتطلعلنا
الصورة دى ... حنعمل زى ماهه وارد فيها بالظبط

كدة حيتفتح برنامج التحديث وحتظهرلنا شوية صور ورا بعض بتفيد ان
البرنامج بيبحث عن اى تحديثات للبرنامج خاصة بالكمبيوتر وكمان بيجمع معلومات عن
الاجهزة المستخدمة الحديثة و و و .. وده مثال لصورة البحث عن تحديثات

بعد كدة حنختار اللغة واللغة حتبقى انجليزى بتاع انجلترا مش
امريكا .. زى الصورة دى

بعد كدة رسالة الترحيب

بعد كدة الاتفاقية بتاعة الشركة

بعد كدة حيقولك اختار نوع التليفون بتاعك ( اذا كان تاتش او
دوار او سلايد او باب او قطعة واحدة ) وانا راسم على الصورة موبايلات كل شكل .. (
معلش بقى الكتابة ببرنامج ال Paint بتاع الويندوز ) ... زى كدة

حتختار نوع موبايك من القائمة اللى حتطلعلك وبعدين نييجى بقى
لاهم خطوة ف التحديث وهى ازاى نركب الموبايل عشان يتحدث

زى الصور دى وحشرح
رقم رقم ياريت تعملوا اللى حقوله بحذافيره وبدون اى استهتار

1 - بيقول تأكد ان بطارية موبايلك مشحونة على الاخر
2 -
بيقولك وصل كابل الموبايل بالكمبيوتر ( قال يعنى هو مش واصل )
3 - بيقولك اقفل
الجهاز
4 - بيقولك شيل البطارية وركبها تانى
5 - بيقولك دوس على حرف C وخليك
دايس عليه ومتسيبهوش ووصل الكابل بتاع الموبايل بالموبايل وانت ماسك ال C متسيبهوش
خالص ... ماشى
6 - بيأكد علينا منسيبش الزرار C ... طبعا لأن الموبايل وانت دايس
على C وتركب الكابل .. ف الوضعية دى الجهاز بيتعرف على الكمبيوتر بطريقة تانية
فلازم الاستمرار ف الضغط على زرار C ... مفهوم كدة ليه بنفضل ضاغطين
؟

بالنسبة لجهاز SmartPhone او سيمبيان او تاتش فقالى اضغط على
حرف ال C اللى هو ف ال P1i رقم 7

ودى صورة بتبين زرار ال C ف الموبايلات القطعة واحدة ( وكل جهاز
زرار ال C بتاعه ف حته ) ف الموضوع بيختلف من نوع لنوع

حنكمل الشغل تبع جهاز سونى
الا P1i ( الموضوع مش حيختلف بعد كدة بين اى نوع من الاجهزة ) ...
بعد ماحتفضل
ضاغط على زرار ال C حيطلعلك رقم جديد ( رقم 7 ) اللى انا معلم عليه ف الصورة دى
ومعناه سيب زرار ال C خلاص .. زى الصورة دى[/size]

[size=18]يعد كدة حيبحث عن تليفونك عشان يعرفه زى الصورة دى ( مكتوب
عليها حذارى انك تفصل التليفون ... بدأنا ف الجد )

بعد كدة حيعرفك انه عرف نوع تليفونك وان اختياراتك كانت مظبوطة
بالصورة دى ( طبعا هو جايبلى جهاز ال P1i وكل واحد حيجيبله جهازه )

بعد كدة حيجيبلك صورة جهازك ومكتوب فوق رقم السوفت وير الجديد
اللى المفروض ينزل ( بس انا معرفتش اتحصل على الصورة دى لان عندى اخر تحديث ) ف
طلعتلى الصورة دى اللى معناها ان انا عندى اخر تحديث ومش محتاج احدث عشان كدة
بيقولى Continue Any Way يعنى كمل تحديث على اى حال ... زى كدة ... وطبعا اللى
تجيله الصورة دى يبقى عنده اخر تحديث ومش محتاج يحدث ... كلامى مفهوم

انا طبعا دوست Continue واللى معندوس اخر سوفت وير حيدوس على
رقم السوفت وير اللى جايله عشان يبدء التحديث واول ماحتدوس على الزارر الخاص
بالتحديث حيبدء البرنامج ينزلك اخر سوفت وير على الكمبيوتر بتاعك الاول ... ( طبعا
حذارى تحرك التليفون او تفصله .. طبعا لحد دلوقتى مفيش اى خوف على التليفون كل
الشغل ده على الكمبيوتر ) زى الصورة دى

بعد ماتتم 100% يبدء بقى الشغل ف التليفون ... خلى بالك هنا من
اى حاجة تأثر على عملية التحديث او تحريك الجهاز او او او ( يستحسن عدم لمس الجهاز
اطلاقا).. و حتظهرلك الصورة دى

بعد مايتم نقل السوفت وير الجديد على التليفون بالكامل ويوصل ل
100% حتجيلك الصورة دى ... وكدة الف الف الف مبروك التحديث الجديد

متهيقلى انا قلت كل حاجة حتى الباك اب للسيمبيان او السمارت فون
قلته ولتانى مرة انا بعفى نفسى من اى مسؤلية حد يكون عنده نت بطىء او الكهربا تتقطع
عنده او كيبل الموبايل بتاعه يتفك اثناء التحديث او اى حاجة تأثر على العملية كلها
او او

واى استفسار انا تحت الامر

يرجى ذكر اسمى عند نقل
الموضوع الى منتدى اخر تقديرا للمجهود المبذول لان والله كل اللى انتوا شايفينوا ده
مجهود شخصى دون تدخل من اى حاجة او اى بحث ف منتدى اخر ,, والله
الموفق

وتقبلوا منى فائق الود والتحية والاحترام

صاحب الموضوع
mido01222

لقد تم نقل وتحديث الموضوع واضافه اليه البرامج الاحدث بواسطة :
game over

بس مش هاعرف اعمله

الموضوع سهل جدا والله وبعدين ده هيغير معاكي حجات كتيير في جوالك لانه k750i
انازل من 2004 والسوفت وير هيغيره جامد لان في حجات كتير نزلت على النسخه بتاعته زي مشغل الا mp3 هيخليه قريب من الوكمان وحجات تانيه كتيير .

طب انا اعمله ازاى

لاىةاتن

الطريق مشروحه بدقه فوق المهم تحملي البرنامج وهو هيكون سهل عليكي وازا صعبه انا عندي طريقه اسهل بس حاولي واقري كويس ومتخافيش من حاجه .

» كيفيه الصلاه 2
» تعلم كيفيه استخدام برنامج الفرايا فى تفليش وفك شفرات السيمينس
» كيفيه الصلاه الصحيحه بالصوركيفيه الصلاه الصحيحه بالصور